L’autrier par la matinee
                 Entre un bois et un vergier ²
                 Une pastore ai ³ trouvee ⁴
                 Chantant por soi envoisier,
  5            Et disoit un son premier:
                 “Ci me tient li maus ⁵ d’amor.” ⁶
                 Tantost cele part m’en tor
                 Que je l’oï ⁷ desresnier, ⁸
                 Si li ⁹ dis sanz delaier: ¹⁰
10            “Bele, Deus vos dont ¹¹ bon jor!”

                 Mon salu sanz demoree
                 Me rendi et sanz targier.
                 Mult ert fresche et coloree,
                 Si m’i plot ¹² a acointier:
15           “Bele, vostre amor vous qier, ¹³
                 S’avroiz de moi riche ator.”
                 Ele respont: “Tricheor ¹⁴
                 Sont més trop li chevalier. ¹⁵
                 Melz aim Perrin, ¹⁶ mon bergier,
20            Que riche homme menteor!”