1. Thibaut de Champagne
Pastourelle 1
                 L’autrier par la matinee
                 Entre un bois et un vergier 2
                 Une pastore ai 3 trouvee 4
                 Chantant por soi envoisier,
  5            Et disoit un son premier:
                 Ci me tient li maus 5 d’amor.” 6
                 Tantost cele part m’en tor
                 Que je l’ 7 desresnier, 8
                 Si li 9 dis sanz delaier: 10
10            Bele, Deus vos dont 11 bon jor!”
                 Mon salu sanz demoree
                 Me rendi et sanz targier.
                 Mult ert fresche et coloree,
                 Si m’i plot 12 a acointier:
15           Bele, vostre amor vous qier, 13
                 S’avroiz de moi riche ator.”
                 Ele respont: Tricheor 14
                 Sont més trop li chevalier. 15
                 Melz aim Perrin, 16 mon bergier,
20            Que riche homme menteor!”