Syntaxe

1        L’autrier par la matinee  
2        Entre un bois et un vergier  
3        Une pastore     ai trouvee 
4        Chantant     por     soi     envoisier, 
5        Et     disoit     un son premier: 
6        “Ci    me     tient     li maus     d’amor.” 
7        Tantost     cele part     m’    en     tor  
8        Que     je     l’    oï desresnier,  
9        Si     li     dis     sanz delaier:  
10     “Bele,    Deus     vos     dont     bon jor!”  
11     Mon salu     sanz demoree  
12     Me     rendi     et sanz targier.  
13     Mult     ert     fresche et coloree,  
14     Si     m’i     plot     a     acointier:  
15     Bele,    vostre amor     vous     qier,  
16     S’    avroiz     de moi     riche ator.” 
17     Ele     respont:  
17                        “Tricheor 
18     Sont     més trop     li chevalier. 
19     Melz     aim     Perrin, mon bergier, 
20     Que riche homme menteor!”