Quant Perceval ² a grant ³ piece dormi, si s’esveille et
         demande a mengier; et ele ⁴ comande que la table soit
         mise, et l’en la met. Et il resgarde que l’en la cuevre ⁵ de
         tele plenté de mes ⁶ que ce n’est se merveilles non. ⁷ Et il
  5     menjue ⁸ entre lui et la damoisele. Et quant il demande a
         boivre l’en li done; et il troeve que cë est vins, li plus
         bons et li plus forz dont il onques beüst: si se merveille
         trop dont il puet estre venuz. Car a celui ⁹ tens n’avoit en la
         Grant Bretaigne point de vin se ce n’ert ¹⁰ en mout riche
10     leu, ainz bevoient comunalment cervoise ¹¹ et autres
         bevrages quë il fesoient. Si en but tant qu’il en eschaufa
         outre ce qu’il ne deüst. ¹² Et lors resgarde la damoisele qui
         li est si bele, ce li est avis, quë onques n’ot ¹³ veue sa
         pareille de biauté. ¹⁴ Si li plest tant et embelist, por le grant
15     acesmement qu’il voit en li ¹⁵ et por les douces paroles quë
         ele li dit, qu’il en eschaufe outre ce qu’il ne deüst. ¹⁶
         Lors parole a li de maintes choses, et tant qu’il la requiert
         d’amors et la prie qu’ele soit soe ¹⁷ et il sera suens. ¹⁸
         Et ele li vee quant quë ele puet, por ce quë ele veut qu’il
20     en soit plus ardanz et plus desirranz. Et il ne cesse de la proier,
         et quant ele voit quë il est bien eschaufez, si li dit:
         “Perceval, itant sachiez vos bien que jë en nule maniere ne
         feroie ¹⁹ chose qui vos pleüst, se vos ne me creantiez que ²⁰
         des ore mes seroiz miens et en m’aide contre toz homes,
25     ne ne feroiz riens fors ce que je vos comanderé.” ²¹ Et il dit
         que ce fera il volentiers. “Le me ²² creantez vos,” fet ele,
         “come loiaux chevaliers?” ²³ “Oïl!” fet il. “Et je m’en
         soffrerai,” fet ele, “a tant, et ferai quanque vos plaira.
         Et sachiez veraiement que vos ne m’avez mie tant desiree a
30     avoir com je vos desirroie encor plus. ²⁴ Car vos estes
         un des chevaliers dou monde a qui jë ai plus baé.”

         Et lors comande a ses vaslez qu’il facent un lit le plus bel
         et le plus riche quë il porront, et soit fez en mi le paveillon;
         et cil dient quë il feront son comandement. Si font tantost
35     un lit et deschaucent la damoisele et la couchent, et
         Perceval avec. ²⁵ Et quant il fu couchiez o la damoisele et il
         se volt ²⁶ couvrir, si li avint einsi par aventure quë il vit
         s’espee ²⁷ gesir a terre que cil li avoient desçainte. Et il tent
         la main pour prendre la. Et en ce qu’il la vouloit apuier a son lit,
40     il vit ou pont une croiz vermeille qui entailliee i estoit.
         Et si tost come il la vit, si li souvint de soi. ²⁸ Et lors fist
         le signe de la croiz en mi son front, et maintenant vit
         le paveillon verser, ²⁹ et une fumee et une nublece fu entor lui,
         si grant quë il ne pot veoir goute; et il senti si grant puor
45     de totes parz qu’il li fu avis quë il fust en enfer. ³⁰
         Et lors s’escrie a haute voiz et dist: “Biax douz peres
         Jhesucrist, ne me lessiez ici perir, mes secorez moi
         par vostre grace, ou autrement je sui perdu!” Et quant il a ce
         dit, si oevre les euz, mes il ne voit mie dou paveillon ou il
50     s’ert ³¹ ore couchiez. ³²